XOCALI - BİR ƏSRİN FACİƏSİ
26 fevral 2024-cü il tarixində Tarix fakültəsinin dekanlığı və Tələbə Elmi Cəmiyyətinin təşkilatçılığı ilə Xocalı Soyqırımı şəhidlərinin xatirəsinə həsr olunmuş "Xocalı-bir əsrin faciəsi" adlı tədbir keçirilmişdir.
Tədbir Azərbaycan Respublikasının Dövlət Himninin səsləndirilməsi ilə başlamış, daha sonra I və II Qarabağ müharibələri zamanı şəhid olmuş hərbiçilərin və mülki əhalinin xatirəsi bir dəqiqəlik sükutla yad edilmişdir.
Tədbirdə Tarix fakültəsinin dekanı, professor İbrahim Zeynalov çıxış etmişdir. O, Xocalı soyqırımı tarixi haqqında tədbir iştirakçılarına məlumat vermişdir.
Tədbir Tarix fakültəsinin I kurs tələbələri Ruqiyyə Babayeva, Nəzrin Qədəşova, Ləman Fətiyeva, II kurs tələbələri Nigar Səfərova, Gülarə Mehdizadə, Nuray Quliyeva, Əşrəf Oqtay, Gülyanaq Vəlizadə və IV kurs tələbəsi Fatimə Abdullayevanın iştirakı ilə təşkil olunmuş tamaşa və musiqi ifası ilə davam etdirilmişdir.