Türk Dünyası Gənc tədqiqatçılar dərnəyi Araşdırmalarının növbəti sayı nəşr olunub
Türk xalqları tarixi kafedrasının nəzdində fəaliyyət göstərən “Türk Dünyası Gənc tədqiqatçılar dərnəyi Araşdırmaları”nın (ISSN : 2708-3934 (Print), ISSN : 2708-3942 (Online)) 2022-ci il tarixli 6-cı sayı nəşr olunub. Jurnalın son sayı Türk xalqları tarixi kafedrasının 1992-ci ilin may ayında yenidən fəaliyyətə başlamasının 30-cu ildönümünə həsr edimişdir.
“Araşdırmalar”ın son sayında Bakı Dövlət Universiteti (8 nəfər), Azərbaycan Dövlət Pedaqoji Universiteti (1 nəfər), Azərbaycan Dövlət Mədəniyyət və İncəsənət Universiteti (1 nəfər), Lənkəran Dövlət Universiteti (1 nəfər), Azərbaycan Universiteti (2 nəfər), Qərbi Kaspi Universiteti (1 nəfər), həmçinin Türkiyənin (Malatya) İnönü Universitetinin (1 nəfər), Almaniyanın Humbolt Universitetinin (1 nəfər), Rusiyanın (Moskva) Xalqlar Dostluğu Universitetinin (1 nəfər) bakalavr və magistrantının 17 məqaləsi nəşr edilmişdir.
Xatırladaq ki, jurnal “Türk xalqları tarixi” kafedrasının 25 illik yubileyi münasibətilə 2017-ci ildən nəşr edilməyə başlanmışdır. Kafedranın və fakültə Elmi Şurasının qərarları ilə ildə 1 sayı nəşr olunur. Jurnalda yalnız tələbə məqalələri nəşr edilir. Məqalələr Azərbaycan, türk, rus və ingilis dillərində qəbul edilir.