Bakı Dövlət Universiteti Tarix fakültəsi

Tarix fakültəsində nəşr edilən “Türk dünyası gənc tədqiqatçılar dərnəyinin araşdırmaları” jurnalının (ISSN: 2708-3934 (Print); ISSN: 2708-3942 (Online)) növbəti sayı nəşr edilib. Jurnalın Əli bəy Hüseynzadənin 160 və Əhməd bəy Ağaoğlunun 155 illik yubileylərinə həsr edilmiş 2024-cü il tarixli 2-ci sayında (https://bdu.info.az/storage/files/63/history/JURNALLAR/TDGTDA_N2(10)%202024.pdf)

Bakı Dövlət Universitetindən 10, Azərbaycan Universitetindən 8, Azərbaycan Dövlət İqtisad Universitetindən 1, Qərbi Kaspi Universitetindən 1 tələbənin məqaləsi nəşr edilib. Məqalələrdə Azərbaycan və Türkiyə tarixinin müxtəlif məsələlərindən, həmçinin günümüzün aktual problemlərindən bəhs edilir.

Xatırladaq ki, 2017-ci ildən nəşrinə başlanmış jurnal Bakı Dövlət Universiteti “Türk xalqları tarixi” kafedrasının nəzdində fəaliyyət göstərən “Türk dünyası gənc tədqiqatçılar dərnəyi”nin jurnalı olaraq təsis edilmişdir. Türk xalqları tarixi kafedrasının və Tarix fakültəsı Elmi Şurasının qərarları ilə nəşr edilən jurnala yalnız bakalavr və magistrant tələbələr məqalə təqdim edə bilirlər. Məqalələr 4 dildə qəbul edilir: Azərbaycan, türk, rus və ingilis dillərində. Jurnalda Türk dünyası gənc tədqiqatçılarının tarix üzrə araşdırmaları ilə bərabər, həm də ümumilikdə gənc tarixçi tələbələrin Türk dünyası ilə bağlı araşdırmaları dərc edilir.