Bakı Dövlət Universiteti Tarix fakültəsi

Dərnək 2015-ci ildən Arxeologiya və etnoqrafiya kafedrasının dosenti Rəna Muxtar qızı İbrahimovanın rəhbərliyi altında fəaliyyət göstərir. Dərnəyin əsas məqsədi etnoqrafiya fənninə maraqları olan tələbələri elmi fəaliyyətə cəlb etmək, onların Azərbaycan və dünya etnoqrafiyasına dair biliklərini genişləndirmək və dərinləşdirmək olmuşdur. Əldə olunmuş biliklər tələbələrə kurs və buraxılış işlərinin yazılmasında da yardımçı olur. Dərnəyin üzvləri etnoqrafiyanın müxtəlif problemləri, təsərrüfat, maddi və mənəvi mədəniyyət sahələri, etnik proseslər haqqında mütəmadi olaraq məruzələr hazırlayır və çıxışlar edir, fikir mübadiləsi aparırlar. 2021-2022-ci tədris ilinin may ayında keçirilmiş dərnəyin iclasında tarixçi ixtisası (1112, 1114, 1116, 1118 və 927-ci qr.) və amerikaşünaslıq ixtisasının (qr.096) tələbələri Amerika, Qafqaz, Sibir xalqlarına həsr olunmuş aktual, maraqlı mövzularla tələbələr qarşısında çıxışlar etmiş, video və şəkillər göstərmişlər.