Bakı Dövlət Universiteti Tarix fakültəsi

BDU Tarix fakültəsində  18.03.2024-cü il tarixində Baharın gəlişinə həsr olunmuş “Yurdumuza baharı şəhidlərimiz gətirdi" adlı tədbir keçirilmişdir.

Əvvəlcə Azərbaycan Respublikasının Dövlət himni səsləndirilmiş,ardınca isə Azərbaycan Respublikasının ərazi bütövlüyü uğrunda canından keçmiş şəhidlərimizin və Xocalıda həlak olmuş soydaşlarımızın əziz xatirəsi 1 dəqiqəlik sükut ilə yad edilmişdir.

Daha sonra isə Tarix fakültəsinin dekanı professor İbrahim Zeynalov tədbiri açıq elan etmiş,Bahar bayramı haqqda danışmış, həmçinin dünya tarixində bahar bayramına baxış tərzini izah etmişdir.

Bundan sonra isə söz Tarix fakültəsinin 1-ci kurs tələbəsi Baxşiyeva Arzuya verilmişdir. Və “Bahar gəldi” şeirini səsləndirmişdir. Ardınca  söz  Tarix fakültəsinin 1-ci kurs tələbəsi Fətiyeva Ləmana verilmişdir.O, öz nitqində işğaldan azad olmuş torpaqlarımızda keçirilən bayramlar haqqında məruzə etmiş və “Şuşa,Ətrin Duyulur" şeirini səsləndirmişdir. Sonra isə söz Tarix fakültəsinin 1-ci kurs tələbələri Tahirzə Həqiqət,Musazadə Ədilə,Əlizadə Kənan,Camalzadə Fərid,Səmra Əli və İsmayılova Ayana verilmişdir, və onlar müxtəlif bahar bayramına aid şeirlər səsləndirmişdirlər. Daha sonra isə Tarix fakültəsinin tələbələrinin Novruz bayramına aid  hazırladığı səhnəcik nümayiş etdirilmişdir. Bundan sonra Tarix fakültəsinin tələbələri Hüseynov Nəbi və Rzayev Mehdi Novruz bayramına aid meyxana səsləndirmişdirlər. Ən sonra Tarix fakültəsinin tələbələri Fətiyeva Ləman və Musazadə Ədilə “Azərbaycan” mahnısını ifa etmişdirlər.