Bakı Dövlət Universiteti Tarix fakültəsi

Bakı Dövlət Universiteti Tarix və Mexanika-Riyaziyyat fakültələri tərəfindən "Siyasi Repressiya Qurbanları Muzeyi"nə ekskursiya təşkil olunub.

Tələbələrə muzey barədə məlumat verilib.1925-ci ildən dövlətin əsas repressiv orqanlarının, Fövqəladə Komissiyanın, Daxili İşlər Xalq Komissarlığının və Dövlət Təhlükəsizlik Komitəsinin fəaliyyət göstərdiyi binada açılıb. Binanın zirzəmisində saxlama kameraları, istintaq otaqları, ölüm cəzasına məhkum edilənlərin güllələndiyi yerlər mövcuddur. Muzeyin ekspozisiyası Azərbaycan tarixinin ən acınacaqlı səhifələrindən, 1920-1950-ci illərdə SSRİ-nin yüz minlərlə ictimai xadim və dövlət xadiminin, elm, mədəniyyət, incəsənət nümayəndəsinin, sıravi vətəndaşın siyasi repressiyalara məruz qoyulması ilə nəticələnən repressiv siyasətindən bəhs edir. Həmçinin tələblərə repressiya qurbanlarının dəqiq statistikası haqqında məlumat verilib.

Tələbələr muzey eksponatları ilə yaxından tanış olublar.