Bakı Dövlət Universiteti Tarix fakültəsi

28 oktyabr 2024-cü il tarixdə Tarix fakültəsi Arxeologiya və etnoqrafiya kafedrasının müəllimi t.ü.f.d. Hicran Mahmudovanın “Professor Həvil Həvilov və BDU-da etnoqrafiya elminin tədrisində onun xidmətləri” mövzusunda elmi seminarı keçirilmişdir. Elmi seminar BDU-nun 105 illik təbdirləri çərçivəsində Azərbaycan etnoqrafiya elminin inkişafında və tədrisində əvəzsiz xidməti olmuş Həvil Həvilova həsr olunmuşdur. Fakültə rəhbərliyinin, professor-müəllim heyətinin, magistrant və bakalavrların iştirakı ilə baş tutan seminarda Hicran Mahmudova bu il 85 illik yubileyi olan Həvil müəllimin elmi-pedaqoji fəaliyyəti ilə bağlı geniş məlumat vermiş, iştirakçıların suallarını cavablandırmışdı. Seminarda fakültə dekanı professor İbrahim Zeynalov, elmi işlər üzrə dekan müavini Kəmalə Nəcəfova, kafedra müdirlərindən dosent Tarix Dostiyev, dosent Mehman Abdullayev, dosent İqbal Ağayev, fakültənin müəllimləri Həvil müəllimlə bağlı xatirələrini bölüşmüş, maraqlı və ətraflı çıxışa görə H.Mahmudovaya təşəkkürlərini bildirmişdilər.