Bakı Dövlət Universiteti Tarix fakültəsi

17 mart 2025-ci il tarixində Tarix fakültəsi, Arxeologiya və etnoqrafiya kafedrasının nəzdində fəaliyyət göstərən “Etnoqrafiya” dərnəyinin təşkilatçılığı ilə UNESKO-nun “Qeyri-maddi mədəni irsi” siyahısına daxil edilən Azərbaycan xalçaçılıq sənətinə həsr edilmiş tədbir keçirilmişdir. Tədbirdə Tarix fakültəsinin aşağıda adları qeyd olunan tələbələri fərqli mövzularda çıxış etmişdirlər: Əhmədova Aydan İlkin qızı, İbadov Kamal Azər oğlu, Hüseynli Nuray Rövşən qızı, Əlizadə Maral Raqif qızı, Bəhmanova Safurə Cabir qızı, Qurbanlı Sürəyya Fariz qızı, Musayev Rəvan İbrahim oğlu, Ələkbərova Natiqə Rafiq qızı. Tələbələr qədim tarixə malik olan Azərbaycan xalçaçılıq məktəbləri haqqında dəyərli məlumatlar, fotoşəkillər və videolar təqdim etmişdirlər. Həmçinin üzümüzə gələn İlaxır çərşənbə və Novruz bayramı münasibəti ilə tələbələrin hər qrupu əlvan rəngli xonçalar hazırlamışdı, bir daha qədim ənənələrə, mənəvi mədəniyyətimizə öz sayğılarını, sevgilərini parlaq şəkildə nümayiş etdirmişlər.“Etnoqrafiya” dərnəyinin bu tədbirində tarix fakültəsinin dekanı prof. İ.Zeynalov, sosial əlaqələr üzrə dekan müavini E.Əbilov, Arxeologiya və etnoqrafiya kafedrasının müdiri dosent T.Dostiyev iştirak etmişlər. Qeyd edək ki, “Etnoqrafiya” dərnəyinin rəhbəri Arxeologiya və etnoqrafiya kafedrasının dosenti Rəna İbrahimovadır.