Dosent Sevda İsmayılovanın “Azərbaycan SSR-də sovet hakimiyyətinin din sahəsində həyata keçirdiyi siyasət (1920-1930-cu illər)” mövzusunda elmi seminarı keçirilmişdir
25 may 2024-cü il tarixdə Tarix fakültəsi Azərbaycan tarixi (humanitar fakültələr üzrə) kafedrasının dosenti, t.ü.f.d. Sevda İsmayılovanın “Azərbaycan SSR-də sovet hakimiyyətinin din sahəsində həyata keçirdiyi siyasət (1920-1930-cu illər)” mövzusunda elmi seminarı keçirilmişdir. Elmi seminar Azərbaycanda aprel işğalından sonra qurulmuş sovet hökumətinin Azərbaycan xalqını öz mənəvi köklərindən uzaqlaşdırmaq üçün islam dininə qarşı həyata keşirdiyi siyasətə və onun mahiyyətinə həsr olunmuşdur. Fakültə rəhbərliyinin, professor-müəllim heyətinin, doktorant, magistrant və bakalavrların iştirakı ilə baş tutan seminarda Sevda İsmayılova 1920-1930-cu illərdə Azərbaycan SSR-də sovet hakimiyyətinin din sahəsində həyata keçirdiyi siyasətlə bağlı geniş məlumat vermiş, iştirakçıların suallarını cavablandırmışdır. Seminarda fakültə dekanı professor İbrahim Zeynalov, elmi işlər üzrə dekan müavini Kəmalə Nəcəfova, kafedra müdirlərindən dosent Azad Rzayev, dosent Mehman Abdullayev, fakültənin müəllimləri maraqlı və ətraflı çıxışa görə Sevda İsmayılovaya təşəkkürlərini bildirmişlər.