dosenti Əliyeva-Məmmədova Günel tərəfindən “Şərqdə və Qərbdə gender bərabərliyi” mövzusunda elmi seminar keçirilmişdir.
-lg.jpg)
2 dekabr 2024-cü il tarixində Tarix fakültəsinin Asiya və Afrika ölkələri tarixi kafedrasının dosenti Əliyeva-Məmmədova Günel tərəfindən “Şərqdə və Qərbdə gender bərabərliyi” mövzusunda elmi seminar keçirilmişdir. Seminarda Şərq və Qərb cəmiyyətlərində gender bərabərliyi problemi müqayisəli təhlil olunmuş, gender bərabərliyi problemləri ilə bağlı həll yolları təklif edilmişdir. Seminarın sonunda dekan müavini, dosent Kəmalə Nəcəfova mövzunun aktual və maraqlı olduğunu bildirərək XX əsrin əvvəllərində gender bərabərliyi məsələsinin Azərbaycan tarixində həlli yolunda hansı addımlar atıldığını bildirmişdir.
Asiya və Afrika ölkələri tarixi kafedrasının müdiri, dosent İqbal Ağayev bu mövzunun yeni tədqiqat obyekti kimi tələbələrdə araşdırma həvəsi oyadacağını vurğuladı.
Asiya və Afrika ölkələri tarixi kafedrasının dosenti Atamoğlan Məmmədli mövzunun gələcəkdə magistratura və doktorantura təhsil pilləsində dissertasiya mövzusu səviyyəsində təqdim oluna biləcəyini qeyd etdi.
Asiya və Afrika ölkələri tarixi kafedrasının dosenti Aidə Bağırova mövzunun psixoloji və ideoloji cəhətdən əhəmiyyətini vurğulayaraq tələbələrin dünyagörüşünə əsaslı təsir etdiyini bildirdi.
-xs.jpg)