Bakı Dövlət Universiteti Tarix fakültəsi

7 fevral 2025-ci il tarixində BDU-nun Tarix fakültəsinin Azərbaycan tarixi (humanitar fakültələr üzrə) kafedrasının elmlər doktoru proqramı üzrə qiyabi doktorantı, t.ü.f.d. İlqar Abdullayevin “Azərbaycanda sənaye, kommunikasiya, nəqliyyat və rabitənin inkişafı (1969-1982-ci illər)” mövzusunda elmi seminar keçirilmişdir. Elmi seminar 1969-1982-ci illərdə Azərbaycanda sənaye, kommunikasiya, nəqliyyat və rabitə sahəsində inkişafdan, bu sahədə qarşıya çıxan problemlər və onların necə aradan qaldırılmasına həsr olunmuşdur. Fakültə rəhbərliyinin, professor-müəllim heyətinin, doktorant, magistrant və tələbələrin iştirakı ilə baş tutan seminarda İlqar Abdullayev 1969-1982-ci illərdə Azərbaycanda sənaye, kommunikasiya, nəqliyyat və rabitənin sözügedən dövrdən əvvəlki vəziyyətindən, bu sahədə olan gerilikdən, sonrakı dövrlərdə isə Ulu Öndər Heydər Əliyevin zamanın nəbzini tutan, o dövrün tələbinə cavab verən, müdrik, qeyri-standart qərarların qəbul edilməsindəki rolu, bunların sonrakı dövrdə baş verən inkişafa necə kömək etməsini sübut edən fikirlərini bildirmiş və iştirakçıların suallarını cavablandırmışdır. Seminarda fakültə dekanı professor İbrahim Zeynalov, elmi işlər üzrə dekan müavini Kəmalə Nəcəfova, kafedra müdirlərindən dosent Azad Rzayev, dosent Mehman Abdullayev, fakültənin müəllimləri maraqlı və ətraflı çıxışa görə İlqar Abdullayevə təşəkkürlərini bildirmişdirlər.