Bakı Dövlət Universiteti Tarix fakültəsi

Azərbaycan Respublikasında “Konstitusiya və Suverenlik ili” çərçivəsində Bakı Dövlət Universitetinin Tarix fakültəsində 18 aprel 2025-ci ildə tələbə və gənc tədqiqatçıların “Abidələr və tariximizin öyrənilməsində onların əhəmiyyəti” mövzusunda respublika elmi konfransı keçiriləcək. Konfransa professor-müəllim heyəti, elmi işçilər, doktorant, dissertant və magistrantlar dəvət edilir. Konfransda dəyərli tədqiqatçıları yeni və maraqlı araşdırmalarla gözləyirik.

 Mühüm tarixlər:
Tezislərin göndərilməsi üçün son tarix – 1 aprel 2025-ci il

Qəbul olunmuş tezislərin elanı tarixi - 8 aprel 2025-ci il

Konfransın keçirilmə tarixi – 18 aprel 2025-ci il

Konfransda aşağıdakı elmi istiqamətlərə üstünlük veriləcək:

1. İCOMOS və Azərbaycanın dünya əhəmiyyətli maddi-mədəni irsi
2. Azərbaycan Respublikasında arxeoloji abidələrinin tədqiqi tarixi

• İbtidai cəmiyyətlərin öyrənilməsində arxeoloji abidələrin rolu və əhəmiyyəti

1. Qarabağ və Zəngəzurun mədəni irsinin arxeoloji və memarlıq abidələrində əksi
2. Qədim və orta əsr şəhərlərimizin gündəlik həyatı arxeoloji abidələrin tədqiqi işığında
3. Mədəni irs abidələrinin qorunması, bərpası və populyarlaşması problemləri

• Tarix və mədəni irsin aktual məsələləri (magistr dissertasiya mövzularına uyğun)

Konfransda iştirak şərtləri:

• Konfransa təqdim edilən mövzular konfransın tematikasına uyğun olmalıdır.
• Konfransın əsas işçi dili Azərbaycan, Türkiyə türkçəsi, rus və ingilis dilidir.
• Plagiat aşkarlanan tezislər qəbul edilməyəcəkdir.
• Konfransa təqdim edilən tezislər Elmi Komitə tərəfindən müsbət rəy verildikdən sonra qəbul olunacaqdır.
• Təşkilat Komitəsinin qoyduğu tələblərə uyğun olmayan tezislər qəbul edilməyəcəkdir.
• Konfransda məruzə etməyənlərin tezisləri dərc edilməyəcəkdir.
• Konfransa göndərilən tezislər hər kəsin şəxsi elektron ünvanından, Vörd faylında, fayla müəllifin soyadı verilərək göndərilməlidir.
• Tezislər [email protected] elektron ünvanına göndərilməlidir.

Tezisin tərtibi qaydaları:

• Mətn ölçüləri: Times New Roman, ölçü 12, interval 1.
• Mövzu və müəllif barədə məlumatlar mərkəzdə yazılır: başlığın hamısı böyük hərflərlə (Bold), müəllifin adı, soyadı tünd rəngdə (Bold), aid olduğu qurum, alimlik dərəcəsi, elmi adı və elektron poçt ünvanı göstərilməlidir.
• Açar sözlər: məruzənin adına və məzmununa uyğun iki dildə 5-6 əsas anlayış.
• Mətn ən az 1500, ən çox 2000 söz (ədəbiyyat siyahısı daxil olmadan) həcmində olmalıdır. Tezisdə mövzu üzrə əsas ideyalar, aktuallığı, elmi əhəmiyyəti, əldə olunan yeniliklər və nəticələr yığcam əhatə edilməlidir. 
• Tezisə əlavə kimi verilən cədvəl və şəkillər cədvəl 1, cədvəl 2; şəkil 1, şəkil 2 kimi ardıcıllıqla sıralanmalı və ad verilməlidir. Məsələn, Cədvəl 1. Azərbaycan Respublikasının əhalisi (1999-cu il siyahıyaalmasına əsasən) 
• Tezisdə cədvəl və sitatlar ümumi həcminin yalnız 25%-ni əhatə edə bilər. Yerdə qalan hissə yeni fikir və araşdırma olmalıdır. 
• İstifadə edilən bütün ədəbiyyat və internet resursları sonda əlifba sırası ilə düzülməlidir və mətndə istinadlar verilməlidir.
• İstifadə edilən ədəbiyyatların müəllifi, adı, nəşr ili və yeri, ümumi səhifəsi dəqiq göstərilməlidir.
• İnternet resursları göstərilərkən, əvvəlcə istinad olunan əsərin və ya məlumatın müəllifi, məqalənin ya məlumatın başlığı, hiperiqtibas və istinad tarixi yazılmalıdır.
• Tezislər tam redaktə olunduqdan sonra təqdim edilməlidir.

Ünvan: AZ1148, Azərbaycan Respublikası, Bakı şəhəri, Z.Xəlilov küçəsi, 23

Bakı Dövlət Universiteti, Tarix fakültəsi: III korpus, 921-ci otaq

 [email protected]

Əlaqə: 012-538-22-93                                                               

 Hörmətlə, Təşkilat Komitəsi