Bakı Dövlət Universiteti Tarix fakültəsi

01.04.2024 tarixində BDU Tarix fakültəsinin tələbələri arasında Tarix fakültəsi və BDU THİK’in təşkilatçılığı ilə Ümummilli Lider Heydər Əliyevin 101 illik yubileyinə həsr olunmuş bilik müsabiqəsi keçirilib.

Müsabiqə üçün 2 mövzu seçilib:

1.Görkəmli dövlət xadimi Heydər Əliyevin Azərbaycana birinci rəhbərliyi dövründə (1969-1982) ölkəmizin sosial-iqtisadi və mədəni inkişafı.

2.Müstəqil Azərbaycan Respublikası Ümummilli Lider Heydər Əliyevin prezidentliyi dövründə (1993-2003). Mövzuların yazılması üçün tələbələrə 90 dəqiqə vaxt ayrılmış, yazı işləri fakültədə təşkil olunmuş komissiya üzvləri tərəfindən yoxlanılmışdır.

Müsabiqənin qalibləri:                                    

Birinci yer Asif Səxavət oğlu Həsənov II kurs TM096 qrup tələbəsi, ikinci yer Vasif Səxavət oğlu Həsənov II kurs TM096 qrup tələbəsi, üçüncü yer Nigar Nəriman qızı Səfərova II kurs TM102 qrup tələbəsi.

23.04.2024 tarixində Tarix fakültəsinin elmi şurasında qaliblər müxtəlif hədiyyələr ilə mükafatlandırıldı və yüksək bal toplayan beş tələbəyə sertifikat təqdim olundu.

Qalibləri bir daha fakültə kollektivi adından təbrik edir və uğurlar arzu edirik.