Bakı Dövlət Universiteti Tarix fakültəsi

2025-ci il - Azərbaycan Respublikasında “Konstitusiya və suverenlik ili” çərçivəsində Ümummilli Lider Heydər Əliyevin anadan olmasının 102-ci ildönümü münasibətilə bu sahədə mühüm elmi nəticələri müzakirə etmək məqsədi ilə 2025-ci il mayın 7-də “Ümummilli Lider Heydər Əliyev: Azərbaycan Respublikasında demokratik, hüquqi və dünyəvi dövlət quruculuğu” mövzusunda Respublika konfransı keçiriləcək. Azərbaycanın elmi və ali təhsil müəssisələrində çalışan alimlər, araşdırmaçılar, professor-müəllim heyəti, həmçinin doktorant və dissertantlar konfransda iştiraka dəvətlidirlər.

Professor-müəllim heyəti, elmi işçilər, doktorant, magistrant və tələbələr konfransa tezislərini təqdim edə bilərlər.

Mühüm tarixlər:
Konfransın elanı                   – 1 aprel 2025
Tezislərin göndərilməsi üçün son tarix – 22 aprel 2025
Konfransın keçirilmə tarixi           – 07 may 2025
Mövzular:

• Heydər Əliyev və Azərbaycanda milli - hüquqi dövlət quruculuğu
• Heydər Əliyev irsində milli ordu quruculuğu məsələləri
• Heydər Əliyev irsində ermənilərin Azərbaycana köçürülməsi və soyqırımı tarixi
• Heydər Əliyev və Türk dövlətlərinin birliyi məsələləri
• Heydər Əliyev irsində sosial – iqtisadi inkişaf və mədəni quruculuq məsələləri
• Heydər Əliyev irsində neft siyasəti
• Heydər Əliyev irsində milli – mənəvi dəyərlər məsələsi
• Heydər Əliyev kursunun layiqli davamçısı
• Heydər Əliyev strategiyasının 44 günlük Vətən müharibəsində qazanılan Şanlı Zəfərdə və Azərbaycan Respublikasının   suverenliyinin tam bərpa olunmasında rolu
• Heydər Əliyev irsi və Tarix elminin aktual məsələləri (magistrant və doktorantların dissertasiya mövzuları üzrə)
• Heydər Əliyev irsi və mədəni irsin aktual məsələləri (magistrant və doktorantların dissertasiya mövzuları üzrə)

Tezisin tərtibi qaydaları:

• Mətn ölçüləri: Times New Roman, ölçü 12, interval 1.
• Mövzu və müəllif barədə məlumatlar mərkəzdə yazılır: başlığın hamısı böyük hərflərlə (Bold), müəllifin adı, soyadı tünd rəngdə (Bold), aid olduğu qurum, alimlik dərəcəsi, elmi adı və elektron poçt ünvanı göstərilməlidir.
• Açar sözlər: məruzənin adına və məzmununa uyğun iki dildə 5-6 əsas anlayış.
• Mətn ən az 1500, ən çox 2000 söz (ədəbiyyat siyahısı daxil olmadan) həcmində olmalıdır. Tezisdə mövzu üzrə əsas ideyalar, aktuallığı, elmi əhəmiyyəti, əldə olunan yeniliklər və nəticələr yığcam əhatə edilməlidir. 
• Tezisə əlavə kimi verilən cədvəl və şəkillər cədvəl 1, cədvəl 2; şəkil 1, şəkil 2 kimi ardıcıllıqla sıralanmalı və ad verilməlidir. Məsələn, Cədvəl 1. Azərbaycan Respublikasının əhalisi (1999-cu il siyahıyaalmasına əsasən) 
• Tezisdə cədvəl və sitatlar ümumi həcmin yalnız 25%-ni əhatə edə bilər. Yerdə qalan hissə yeni fikir və araşdırma olmalıdır. 
• İstifadə edilən bütün ədəbiyyat və internet resursları sonda əlifba sırası ilə düzülməlidir və mətndə istinadlar verilməlidir.
• İstifadə edilən ədəbiyyatların müəllifi, adı, nəşr ili və yeri, ümumi səhifəsi dəqiq göstərilməlidir.
• İnternet resursları göstərilərkən, əvvəlcə istinad olunan əsərin və ya məlumatın müəllifi, məqalənin, ya məlumatın başlığı, hiperiqtibas və istinad tarixi yazılmalıdır.
• Tezislər tam redaktə olunduqdan sonra təqdim edilməlidir.

Ünvan: AZ1148, Azərbaycan Respublikası, Bakı şəhəri, Z.Xəlilov küçəsi, 23, Bakı Dövlət Universiteti, Tarix fakültəsi: III korpus, 921-ci otaq 

Tezsilər aprel ayının 22-dək [email protected] e-mail ünvanına göndərilməlidir.

 Əlaqə: 012-538-22-93                                                               

 Hörmətlə, Təşkilat Komitəsi