Bakı Dövlət Universiteti Tarix fakültəsi

17.10.2024 tarixində Bakı Dövlət Universiteti Tarix fakültəsinin nəzdində fəaliyyət göstərən "İstiqlal" klubunun və Qafqaz xalqları tarixi kafedrasının təşkilatçılığı ilə Şah İsmayıl Xətaiyə həsr olunmuş "Qafqaz xalqları tarixində Şah İsmayıl Xətai" tədbiri baş tutmuşdur. Azərbaycan Respublikasının dövlət himni ilə açıq elan olunan tədbirdə Qafqaz xalqları kafedrasının müdiri, tarix elmləri doktoru, professor İradə Hüseynova və kafedranın müəllimi, "Gənc Qafqazşünaslar" dərnəyinin rəhbəri Samir Baxşəliyev çıxış edərək bildiriblər ki, bu cür tədbirlərin, layihələrin həyata keçirilməsi tarixi əhəmiyyətli hadisələrimizi daha da önə çəkir. Tədbirin gedişatında Bakı Dövlət Universiteti Tarix fakültəsi tələbələri Gülarə Mehdizadə, Röya Mehdizadə, Rəksanə Şükürzadə, Arzu Baxşıyeva tərəfindən müxtəlif məruzə və şeirlər səsləndirilib. Bakı Dövlət Universiteti tələbələri Məhəmməd Həsənov, Ayan İsmayılova, Elvin İbrahimli, Sücəddin Muradov, Ceyhun Əmirov, Surac İrşadov tərəfindən Şah İsmayıl Xətaiyə həsr olunmuş səhnəcik nümayiş olunub. Daha sonra isə Bakı Dövlət Universiteti Tarix fakültəsi ll kurs tələbəsi Fətiyeva Ləman tərəfindən ifa olunan "Çırpınırdı Qaradəniz," "Yaşa Azərbaycan" mahnıları bütün tədbir iştirakçılarının dəstəyi ilə səsləndirilib. Sonda Bakı Dövlət Universiteti Tarix fakültəsi ll kurs tələbəsi Lamiyə Kamallı tərəfindən "Xarı bülbül" rəqsi təqdim olunub.