Tarix fakültəsin TEC – nin 2021-ci ildə nəzərdə tutlan tədbirlərindən “8 Mart-Beynəlxalq Qadınlar günü”, “Novruz Bayramı”, “31 Mart Soyqırımı”, “Aprel döyüşləri – Vətən müharibəsinin başlanğıcı”, “Kosmonavtika günü”, Ümummilli Lider Heydər Əliyevin 98 illik yubileyi, Azərbaycan Xalq Cümhuriyyətinin yaranmasının 103-cü ildönümü ilə bağlı onlayn seminarlar keçirilmiş, tələbələr həmin seminarlarda elmi məruzə ilə çıxış etmişlər. Onlardan Ümummilli Lider Heydər Əliyevin anadan olmasının 98-ci ildönümünə həsr olunmuş “Azərbaycanın dövlət müstəqilliyinin möhkəmləndirilməsi və inkişafında Heydər Əliyevin rolu” (8 may 2021), Azərbaycan Xalq Cumhuriyyəti tarixi tədqiqiatlarda” (26-27 may 2021) mövzusunda keçirilən konfransların təşkilində də TEC üzvləri aktiv iştirak etmişlər.
03 May 2021-ci ildə Tarix fakultəsi Tələbə Elmi Cəmiyyətinin təşkilatçılığı ilə “Heydər Əliyev şəxsiyyəti gənc tarixçilərin gözü ilə” adlı geniş səpkili diskussiya formatında keçirilmiş elmi diskussiya təşkil edilmişdir. Tədbirdə Tarix fakultəsinin Elmi İşlər üzrə dekan müavini Kəmalə Nəcəfova, Qafqaz Tarixi kafedrasının müdiri, professor İradə Hüseynova və TEC üzvləri məruzə ilə çıxış etmişlər.
08.12.2021-ci il tarixində Bakı Dövlət Universiteti Tarix fakültəsində TGT və TEC-in birgə təşkilatçılığı ilə Heydər Əliyevin anım gününə həsr olunmuş "Xilaskar" adlı tədbir keçirilib. Tədbiri giriş sözü ilə açan Tarix fakültəsinin elmi işlər üzrə dekan müavini Kəmalə Nəcəfova ulu öndərin həyat və fəaliyyəti haqqında tələbələrə məlumat verdi. Daha sonra çıxış edən Azərbaycan tarixi (humanitar fakültələr üzrə) kafedrasının professoru İbrahim Zeynalov Heydər Əliyevin Dövlət Təhlükəsizlik Komitəsindəki fəaliyyətindən, SSRİ M(KP) - də çalışdığı dövrlərə həmçinin ümumilikdə I və II hakimiyyəti dövründə Azərbaycanda baş verən siyasi və ictimai hadisələrə nəzər salıb. Daha sonra Bakı Dövlət Universiteti Humanitar məsələlər və Gənclər Siyasəti şöbəsinin müdiri Ramin Səmədov çıxışında ulu öndərin gənclər siyasətindən, gənclərə göstərdiyi qayğı və diqqətdən söz açıb. Daha sonra Azərbaycan tarixi (humanitar fakültələr üzrə) kafedrasının professoru Nuru Məmmədov ulu öndərin I hakimiyyət dövründə gördüyü işlərdən, xalqa xidmətindən bəhs edib.
Daha sonra çıxış edən Tarix fakültəsi TEC sədri Ağamirzə Məmmədov Ulu Öndər Heydər Əliyevin ikinci dəfə Azərbaycanda hakimiyyətə gəlməsindən 2003-cü ilə qədər müasir Azərbaycanın keçdiyi yoldan bəhs etmiş, uğurlu siyasətinin öz varisi olan İlham Əliyev tərəfindən davam etdirilməskni qeyd edib.
Daha sonra Tarix fakültəsi I kurs tələbəsi Həlilə Sadıqova Heydər Əliyevin həyat və fəaliyyətinə ümumilikdə toxunmuş, Azərbaycanda kadr hazırlığı, sosial layihələrin həyata keçirilməsi haqqında çıxış edib. Sonda TEC üzvlərinin hazırladığı “Ümummilli Lider Heydər Əliyevin həyat və fəaliyyətindən” adlı slayd nümayiş etdirilib.