Bakı Dövlət Universiteti Tarix fakültəsi

Fakültədə «Tarix», «Tarix müəllimliyi», «Regionşünalıq (Qafqaz üzrə və Amerika üzrə)» ixtisasları üzrə bakalavr hazırlığı aparılır.Tarix fakültəsində təhsil forması əyani və qiyabidir. Təhsil Azərbaycan, rus və ingilis dillərində aparılır. «Tarix» ixtisası üzrə ingilis böl­məsinə tələbə qəbulu həyata keçirilir. Tarix humanitar elm sahəsi ixtisasında universal kadr hazırlığı aparılır, həmin ixtisası bitirən tələbələr tarixçi, tarix müəllimi və regionşünas olaraq elmi tədqiqat  müəssisələrində, tarix və beynəlxalq münasibətlər profilli elmi tədqiqat institutlarında işləyə bilərlər. Tarix müəllimliyi ixtisasını bitirən tələbələr Respublikamızın orta məktəblərində, liseylərdə müəllim kimi Tarix fənnini yüksək sə­viyyədə tədris edə bilərlər.